Vladimir Putin o zaman Rusiyanın NATO-ya daxil olmaq təklifini irəli sürməklə, ittifaq ölkələrinin aqressiyasını yoxlamaq istədi.

Axar.az xəbər verir ki, bu sözləri Rusiyanın keçmiş xarici işlər nazirinin müavini Sergey Orcanikidze deyib.

“Mən o zaman NATO ilə məşğul deyildim. Amma düşünürəm ki, bu, həqiqətən də reallaşa bilərdi. 1949-cu ilə NATO yaradılanda SSRİ alyansa qoşulmaq istədiyini bildirmişdi. O zaman isə “Xeyr, heç vaxt” cavabı verilmişdi”, - diplomat bildirib.

Qeyd edək ki, Putin “Politiko” nəşrinə açıqlamasında o zaman amerikalı həmkarı Bill Klintonla görüşü zamanı Rusiyanın NATO-ya daxil olması təklifini irəli sürdüyünü və bu durumun ittifaq ölkələri tərəfindən birmənalı qarşılanmadığını bildirmişdi.