Gəzi olayları FETÖ şəbəkəsinin layihəsi idi.

Axar.az xəbər verir ki, bu sözləri AKP-nin İstanbuldan seçilən deputatı Burhan Kuzu Tvitter hesabında yazıb.

“15 iyul çevrilişdən sonra bəlli oldu ki, Gəzi hadisələri FETÖ-nun planı olub. Gəzi hadisələrindən fəxrlə bəhs etmək terrora haqq qazandırmaq anlamına gəlir. Xatırlatmaq istərdim”, - millət vəkili bildirib.

Qeyd edək ki, 2013-cü ilin yayında minlərlə gənc Taksim parkının bir hissəsinin sökülməsinə etiraz olaraq İstanbulda kütləvi iğtişaşlar törətmişdi.

Hazırda müxalif CHP və bir sıra QHT-lər Gəzi olaylarını türk xalqının azadlıq mübarizəsi kimi təqdim edir.