Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında telefon danışığı baş tutub.

Axar.az xəbər verir ki, Kremlin mətbuat xidməti liderlərin iki ölkə arasındakı əlaqələrin tam olaraq canlandırılmasını və “Türk axını” layihəsinin həyata keçirilməsi məsələsini müzakirə etdiyi bildirilib.

“Tərəflər ikili əlaqələri müzakirə edib. Bundan əlavə, Yaxın Şərqdəki vəziyyət, xüsusilə Suriya böhranı barədə də fikir mübadiləsi aparılıb”, - bəyanatda deyilib.

Bundan əlavə, Ərdoğanla Putinin Qətər böhranından da danışdığı vurğulanıb. Qeyd edilib ki, liderlər böhrandan çıxış üçün tərəflərin kompramisə getməsi lazım gəldiyini bildiriblər.