ABŞ mətbuatı prezidentin həyata keçirdiyi islahatları, iqtisadi vəziyyəti, qanunvericilik məsələlərini müzakirə etməkdənsə, hələ də Rusiyanın seçkilərə müdaxiləsini işıqlandırmaqla ölkədə vəziyyəti gərginləşdirir.

Axar.az xəbər verir ki, bu sözləri brifinqdə Ağ Ev təmsilçisi Sara Sanders deyib.

“KİV Rusiyanın seçkilərə müdaxilə məsələsini işıqlandırmağa ABŞ iqtisadiyyatı ilə bağlı xəbərlərdən 70 dəfə çox yer ayırır. Əksər hallarda bu xəbərlər öz təsdiqini tapmır və ya yalan çıxır. Hesab edirəm ki, ABŞ prezidenti mətbuatın bu məsələdən daha çox qanunvericilik, islahatlar, iqtisadiyyat məsələlərini işıqlandırmasını istəyir. Axşam xəbərlərinin ümumi mənzərəsinə nəzər salsanız, görərsiniz ki, orda cəmi 1 dəqiqə vergi islahatlarına, 3 dəqiqə infrastruktur layihələrinə, 5 dəqiqə iqtisadiyyat və iş yerlərinin açılmasına, 353 dəqiqə isə Rusiya məsələsi ilə bağlı əsassız informasiyalarla Amerika prezidentinə hücuma vaxt ayrılır”, - deyə Sanders bildirib.