Babək qalasında keçirilən tədbirdə çıxış edən azərbaycanlı aktivist Tohid Əmir Əmini mərasimdən sonra yoxa çıxıb.

Axar.az xəbər verir ki, fəal haqqında indiyə qədər heç bir məlumat yoxdur.

Qeyd edək ki, dünən azərbaycanlılar Babək qalasına yürüş ediblər. Qalada keçirilən tədbir zamanı azərbaycanlılara qarşı ayrı-seçkiliyə son qoyulması və siyasi məhbusların azad edilməsi tələb olunub. Tədbirdən sonra azərbaycanlılara qarşı İran hüquq mühafizə orqanları tərəfindən təyziqlər həyata keçirilib. Belə ki, insident zamanı Murtaza Pərvin, Rəhim Novruzi, Hamid Rəvadi, Səccad Sadiqi və Əkbər Cahangiri həbs edilib.

Tohid Əmir Əmini dünənki tədbirin əsas nitq söyləyəni olub.

Əmini əslən Ərdəbildəndir. O, keçən ilin noyabrında azərbaycanlıları təhqir edən “Fitilə”proqramına qarşı keçirilən etiraz aksiyaları zamanı həbs edilənlərdən biri olmuşdu.