Ana səhifə Planet |
Türkiyə Avropanı qoruyur. Ankaraya edilən iradları qəbul etmirik.
Axar.az xəbər verir ki, bunu miqrantlarla bağlı danışan Macarıstan Xarici İşlər və Xarici Ticarət naziri Peter Siyarto deyib.
"Avropadakı üzvlərin sayı baxımından ən sadə kabinetlərdən biri bizim hökumətimizdir. Hökumətimizin yarısı Ankaraya rəsmi səfər edib. Bu, Türkiyə-Macarıstan arasında əməkdaşlığa və strateji tərəfdaşlığa verdiyimiz önəmin göstəricisidir. Hansı sahələrdə əməkdaşlığı artıracağımızı müzakirə etdik. Avropa Parlamentində hər zaman Türkiyənin bizləri qoruduğunu bildirdik. Əgər miqrantlar Yunanıstana keçərsə və kimsə onların qarşısını almazsa, onların ilk dayanacağı Macarıstanın cənub sərhədləri olacaq. Türkiyə bununla yalnız özünü deyil, bizləri də qoruyur", - Siyarto qeyd edib.
Xatırladaq ki, P.Siyarto Ankarada rəsmi səfərdədir və Baş nazir Binəli Yıldırım, eləcə də digər rəsmi şəxslərlə geniş tərkibdə görüşlər keçirib.
Tarix
2017.07.02 / 13:44
|
Müəllif
Pərviz Həsənov
|