ABŞ və İsrailin Suriya münaqişəsinə birbaşa daxil olması artıq qaçılmazdır.

Axar.az xəbər verir ki, bu barədə “Vaşinqton Post” qəzetində yayımlanan məqalədə bildirilib.

“Suriya müharibəsi getdikcə daha da şiddətlənir. Tramp administrasiyası indiyə qədər Əsəd dəstəkçiləri olan Rusiya və İranla birbaşa münaqişəyə girməkdən çəkinirdi. İsrail də bu məsələdə bitərəf qalmağa üstünlük verirdi. Lakin 20 yanvar tarixində vəzifəsinin icrasına başlayan Tramp hazırda çətin seçim qarşısındadır. Rusiya və İran tərəfinin Suriya xalqına qarşı kimyəvi silah istifadə etməsi durumunda ABŞ-ın xarici siyasəti yenidən dəyərləndiriləcək”, - məqalədə bildirilib.