Türkiyə Silahlı Qüvvələrinin ötən günlərdə PYD-nin əlində olan Afrini bir neçə dəfə bombardman etməsi PYD-ni çaşbaş qoyub.

Axar.az xəbər verir ki, Suriya Kürdləri Milli Şurası (ENKS) PYD-nin Hələbin şimalında yerləşən Afrini Əsəd rejiminə təslim etmək üçün gizli danışıqlar apardığını bəyan edib.

ENKS rəhbəri İbrahim Bırro açıqlamasında Əsədə Afrinin təslim ediləcəyindən narahat olduqlarını, bu üzdən PYD-nin Afrinin Türkiyənin nəzarətinə keçməməsi üçün Əsəd rejimi ilə danışıqlara başladığını qeyd edib.

Bırro PYD-nin regiondakı missiyasının ərəb kəndləri və şəhərlərini ələ keçirib, Əsəd və müttəfiqlərinə təslim etmək olduğunu vurğulayıb.

Qeyd edək ki, Türkiyə Silahlı Qüvvələri müntəzəm olaraq bu şəhərdə yerləşən YPG mövqelərinə zərbələr endirir.