Rusiya ilə ABŞ arasında Suriyada atəşkəsin elan edilməsi ilə bağlı əldə edilən razılaşmanın qarantı olmayacağıq.

Axar.az xəbər verir ki, bu sözləri İran Xarici İşlər Nazirliyinin sözçüsü Bəhram Qasımi deyib. O bildirib ki, ölkəsi Astana forması çərçivəsində Rusiya ilə xüsusi münasibətlərini qoruyacaq:

“Yalnız bütün Suriyanı əhatə edən razılaşmanı dəstəkləyə bilərik. ABŞ-ın regionda keçmiş fəaliyyətləri səbəbindən bu razılaşmanı birmənalı qarşılamırıq. Bu durum gələcək görüşlərə maneə yarada bilər”.

Kürdüstanın müstəqillik referendumu məsələsinə toxunan XİN rəsmisi bildirib ki, İraqın bütövlüyü və suverenliyi qorunmalıdır.