Urmu gölü körpüsü gölün qurumasına səbəb olmayıb. Lakin su qıtlığı və quraqlıqla yanaşı, körpünün iki tərəfində 10 kilometrlik bir ərazidə yerləşən qum təpələri iqlim dəyişikliyinə təsir edərək gölün qurumasına səbəb olan amillərdən biridir.

Axar.az xəbər verir ki, bu sözləri Urmu Gölünü Canlandırma Mərkəzinin Qərbi Azərbaycan Əyalətindəki ofisinin müdiri Fərhad Sərxoş “İsna” xəbər agentliyinə deyib. O, göl üzərində salınmış körpünün sökülməsini təkzib edib:

“Qum təpələrinin olduğu ərazidə suyun dövriyyəsi üçün kanallar yaradılacaq. Bu kanallar vasitəsilə su gölün müxtəlif istiqamətlərinə axa biləcək”, - deyə o bildirib.