Rusiyanın “Rostex” dövlət şirkətinin baş direktoru Sergey Çemezov Səudiyyə Ərəbistanına 3.5 milyard dollar həcmində silah satışını nəzərədə tutan razılaşma imzaladıqlarını açıqlayıb.

Axar.az xəbər verir ki, Çemezov bunun Rusiyanın Səudiyyə Ərəbistanına ilk silah satışı olacağını bildirib. O qeyd edib ki, əgər Rusiya Prezidenti Vladimir Putinlə Səudiyyə Ərəbistanı kralı Salman bin Əbdüləziz görüşsə, tərəflər bu sahədə daha ciddi məsələləri müzakirə edə bilərlər.

Qeyd edək ki, Səudiyyə Ərəbistanı bir müddət əvvəl ABŞ-la 110 milyard dollar məbləğində silah satışı ilə bağlı razılaşma imzalamışdı.