Şimali Koreya lideri Kim Çen İn “Hvasonq-14” ballistik raketinin yaradıcılarını mükafatlandırıb.

Axar.az xəbər verir ki, bu barədə Şimali Koreyanın mərkəzi agentliyi məlumat yayıb.

Təbrik xarakterli çıxış edən lider ballistik raket sınağını Koreyanın strateji mövqeyini əsaslı şəkildə dəyişən tarixi əhəmiyyətli hadisə adlandırıb. Kim Çen İn yerli mütəxəssislərin bundan sonra daha böyük uğurlara imza atacağını və müdafiə təyinatlı yeni silah və avadanlıqların istehsalının artacağını deyib. “Vətən və xalq naminə ölümcül döyüşə, irəli!”, – ifadəsini işlədən lider mütəxəssisləri qiymətli saat və sitatlarından ibarət toplu ilə mükafatlandırıb.

Xatırladaq ki, rəsmi Pxenyan “Hvasonq-14” raketinin 39 dəqiqə uçduğunu və 2 min 800 kilometr məsafə qət etdiyini açıqlamışdı.