Rusiyanın Ankaradakı səfirliyi Türkiyədə itən rus ailəsi ilə bağlı səlahiyyətli orqanlardan məlumat tələb edib.

Axar.az xəbər verir ki, səfirliyin nümayəndəsi Aleksandr Leşukov açıqlamasında Rusiyanın Saratov vilayətinin sakinləri Svetlana Uhanova, yoldaşı Yevgeni Koçaari və qızlarının itkin düşdüyünü qohumları tərəfindən öyrəndiklərini bildirib.

"Səfirlik Türkiyənin səlahiyyətli qurumlarına müraciət edərək, adı keçən şəxslərin ölkə ərazisində olub-olmadığı barədə informasiyanın verilməsini istəyib. Deportasiya ediliblərsə də, məlumat istəmişik. Səfirlik məsələni nəzarətdə saxlamağa davam edir", - deyə Leşukov bildirib.