Mən 2014-cü ildə Krımın Rusiyaya anneksiya olunması ilə bağlı keçirilən referendumun nəticələrini tanımıram.

Axar.az xəbər verir ki, bunu “Röyter” agentliyinə müsahibəsində rusiyalı blogger Aleksey Navalnı söyləyib. O, Krımın hansı ölkənin tərkibində qalması üçün ədalətli referendum təşkil etmək istədiyini bildirib:

“Krımın statusunu müəyyən etmək çətindir. Bu, uzun illər Rusiya və beynəlxalq ictimaiyyət arasında münasibətlərin pisləşməsinə səbəb ola bilər”.

Qeyd edək ki, Navalnı bundan öncəki çıxışlarında Krımın yaxın gələcəkdə Ukraynaya qaytarılmayacağını bildirmişdi.