İranda narkotik maddələrin satışı və qaçaqmalçılığında günahlandırılaraq edama məhkum edilən daha 3 nəfər ölüm hökmünün icrasına hazırlıq üçün təkadamlıq kameralara köçürülüb.

Axar.az xəbər verir ki, Loristan əyalətinin mərkəzi sayılan Xürrəmabad zindanında saxlanılan və iyulun 13-də həbsxananın ümumi korpusundan təkadamlıq kameralara köçürülən adları mediaya bəlli olmayan hər üç müttəhimin yaxın saatlarda və ya qarşıdan növbəti günlərdə dar ağacından asılacağı gözlənilir.

Qeyd edək ki, Ramazan ayının başa çatmasından sonra İranda edamların sayı əvvəlkinə nisbətən qat-qat artıb. Bu isə yerli və beynəlxalq hüquq təşkilatlarının ciddi narahatlığına səbəb olub.