Ümid edirəm ki, ABŞ lideri ilə dialoq gələcəkdə əlaqələrin inkişafını təmin edəcək.

Axar.az xəbər verir ki, bu gün Rusiyanın Belorod bölgəsindəki "Lebedinski" Mineral zavodunu ziyarət edən Prezident Vladimir Putin Trampla keçirdiyi görüşlə bağlı təəssüratlarını bildirib.

"ABŞ Prezidenti Donald Tramp ilə dialoq insani mənada davam edərsə, gələcəkdə aramızdakı əlaqələrin inkişaf edəcəyinə ümid edirəm. Digər insanlarla necə olduğunu bilmirəm, amma mən fikirlərini və əməkdaşlıq təkliflərini irəli sürərkən diqqətlə dinlədim. İnsanlarla işləyən biri üçün dinləmək və sürətli reaksiya vermək, rabitəyə davam etmək çox mühümdür", - Putin söyləyib.