Ana səhifə Planet |
Qardaş ölkə - Türkiyədə ötən ilin 15 iyulunda həyata keçirilən uğursuz hərbi çevriliş cəhdindən bir il ötür.
Axar.az xəbər verir ki, həmin gecə dövlətinə və millətinə xəyanət edən FETÖ-ya bağlı xəyanətkar şəbəkə zor gücü ilə konstitusion quruluşu dəyişdirmək istədi.
Türkiyə Böyük Milllət Məclisi (TBMM), Ankara Polis İdarəsi, eləcə də bir çox dövlət idarələri və qurumları qiyamçıların hədəfinə çevrildi. Prezident Rəcəb Tayyib Ərdoğana Mərmərə otelində sui-qəsd cəhdi edildi.
Türkiyənin iri şəhərlərində - İstanbul, Ankara, Malatya, Mərmərədə qanlı qırğınlar törədildi. Lakin buna baxmayaraq, türk xalqı qiyamçıların qarşısından geri çəkilmədi.
Həmin qanlı gecədə 250 mülki sakin həlak oldu, 1500-dən çoxu isə yaralandı.
Bu hadisə bir daha onu göstərdi ki, heç bir qüvvə türk xalqının iradəsini sındıra, vətən eşqini yox edə bilməz.
Tarix
2017.07.15 / 00:06
|
Müəllif
Kamran Ədalət
|