18:37

Türkiyənin İstanbul şəhərində minlərlə vətəndaş 15 iyul uğursuz hərbi çevriliş cəhdinin ildönümü ilə bağlı Şəhidlər Körpüsünə doğru yürüşə başlayıb.

Axar.az xəbər verir ki, İstanbulun Anadolu səmtindən 3 fərqli nöqtədən yürüş keçirilir.

Qrup halında olan iştirakçıların Türkiyə vaxtı ilə 20:00-da körpüyə çatacağı bildirilib.

Prezident Rəcəb Tayyib Ərdoğanın isə 21:15 radələrində mərasimə qatılacağı və 15 iyul olayları ilə bağlı sənədli filmə baxdıqdan sonra çıxış edəcəyi gözlənilir.

Daha sonra isə qiyam cəhdi zamanı həyatını itirənlərin adları oxunacaq və şəhidlərin xatirəsinə inşa edilən abidənin açılışı olacaq.

***

20:32

Baş nazir Binəli Yıldırımın da yürüşə qatılacağı bildirilib.

3 km-lik yolu Yıldırım vətəndaşlarla birgə qət edəcək.

***

Prezident Rəcəb Tayyib Ərdoğan vətəndaşların müşayiəti ilə Şəhidlər Körpüsünə gəlib.

Kürsüyə qalxan dövlət başçısı insanları salamlayıb.

***

Rəcəb Tayyib Ərdoğanın iştirakı ilə Şəhid Körpüsünün girişindəki Şəhidlər abidəsinin açılışı edilib.