Ötən il 15 iyul hərbi çevriliş cəhdi gecəsi Prezident Rəcəb Tayyib Ərdoğanı Dalamandan İstanbula gətirən pilot Barış Yurdsevən işdən çıxarılıb.

Axar.az xəbər verir ki, kapitan Ərdoğanı İstanbula gətirən zaman təyyarənin transponderini açıb qoyub və nəticədə uçuşu bütün mobil telefonlarda izləmək mümkün olub. Belə ki, Qolfstrim-450 (“Gulfstream-450”) təyyarəsinin uçuş trayektoriyası “Flightradar24.com” saytında aydın şəkildə görünüb.

Bundan əlavə, pilotun “Bank Asya”ya külli miqdarda vəsait qoyduğu da bildirilib.

Məsələ ilə bağlı Yurdsevən haqqında araşdırma başladılıb.