İŞİD terror təşkilatının yeni liderinin kimliyi açıqlanıb.

Azvision.az xəbər verir ki, ərəb KİV-lərinin yaydığı məlumata görə, Bağdadinin öldürülməsindən sonra təşkilata Cəlaləddin Tunisi rəhbər seçilib.

Tunisi indiyədək İŞİD-in Liviyadakı qoluna rəhbərlik edib.

Qeyd edilib ki, onun əsl adı Məhəmməd Bin Salem əl-Ayundir. 1982-cü il təvəllüdlü Tunisi 90-cı illərdə Fransaya mühacirətə gedib.

Fransa vətəndaşlığı alan terrorçu 2011-ci ildə Tunisdə yaşanan “ərəb baharı” vaxtı bu ölkəyə köçüb, daha sonra Suriyaya gedərək İŞİD sıralarına qoşulub.

Qeyd edək ki, İŞİD-in sabiq lideri Abubəkr Bağdadi mayın 28-də Rakkanın cənubuna rus aviasiyasının endirdiyi zərbələr nəticəsində öldürülüb.