Çin, ABŞ və Cənubi Koreya Pxenyanın nüvə silahlarından təmizlənməsi ilə bağlı tələbində qarşılılıq prinsipinə riayət etməlidir.

Axar.az xəbər verir ki, bu sözləri Rusiya Federasiya Şurasının Müdafiə və Təhlükəsizlik Komitəsinin sədr müavini Frants Klintseviç deyib.

“Rusiya, ABŞ-ın nüvə danışıqları ilə bağlı təklifinin Şimali Koreya tərəfindən rədd edilməsini təəssüflə qarşıladı. Lakin Pxenyanın bu cavabı təxmin edilirdi. Rusiya inanır ki, ABŞ və Cənubi Koreyaya aid hərbi qüvvələrin Koreya yarımadasından çəkilməsindən sonra problem öz həllini tapa bilər. Təəssüf ki, bizim təklifimiz Çin və Qərb ölkələri tərəfindən soyuq qarşılandı”, - Klintseviç bildirib.