İranda narkotik maddələrin qaçaqmalçılığında və qətldə günahlandırılaraq ölümə məhkum edilən daha 7 nəfər edam edilib.

Axar.az xəbər verir ki, bu barədə İrandakı hüquq müdafiəçiləri məlumat yayıb.

Edamlar İranın Xürrəmabad, Həmədan, İranşəhr və Zahidan şəhərlərində həyata keçirilib.

Qeyd edək ki, bu il Ramazan ayının başa çatmasından sonra İranda edamların sayı əvvəlkinə nisbətən bir neçə dəfə artıb. Bu isə məhbus ailələri ilə yanaşı, həm də beynəlxalq hüquq təşkilatlarının ciddi narahatlığına səbəb olub.