İraq Kürd Muxtar Vilayətinin müstəqillik barədə referendum keçirmək istəyi kürd muxtariyyətini və bütün İraqı zəiflədəcək.

Axar.az xəbər verir ki, bunu Kürdüstan Vətənpərvərlər İttifaqı Partiyasının nümayəndələri ilə görüşü zamanı İranın Milli Təhlükəsizlik Şurasının rəhbəri Əli Şamxani söyləyib. O, təhlükəsiz, stabil və vahid İraqın İranın maraqlarına cavab verdiyini bildirib.

Qeyd edək ki, İraq Kürd Muxtar Vilayəti sentyabrda müstəqillik barədə referendum keçirməyi planlaşdırır.

İran rəsmiləri bu təşəbbüsə qarşı vaxtaşırı açıqlamalar verirlər.