Venesuelanın BMT-dəki daimi nümayəndəsinin baş müşaviri İsaias Medina Prezident Nikolas Maduronun fəaliyyətindən narazı olduğu üçün öz vəzifəsini tərk edib.

Axar.az xəbər verir ki, Medina artıq bununla bağlı Maduroya da məktub göndərib.

O, məktubunda Maduronu insan haqlarını pozmaqda ittiham edib: “Venesuela gərək senzuradan, siyasi məhbuslardan azad olsun. Bizim ölkədə hakimiyyət demokratik yollarla dəyişməlidir”.

Qeyd edək ki, Venesuelada artıq bir neçə aydır etiraz aksiyaları səngimək bilmir. Əhali Maduronun istefaya getməsini tələb edir. Maduro isə öz növbəsində ölkədəki bütün bəlaların əsas günahkarının ABŞ olduğunu söyləyir.