16:12

İranın Buşəhr limanındakı gəmilərdə yanğın baş verib.

Axar.az xəbər verir ki, bu barədə informasiyanı “Mehr” agentliyi yayıb. Agentlik bir neçə saat əvvəl başlayan yanğının 8 gəminin yanaraq sıradan çıxardığını bildirib.

Hazırda yanğınsöndürənlər hadisə yerinə cəlb ediliblər. Yanğın zamanı nə qədər insanın xəsarət alması haqqında heç bir məlumat verilmir.

İran mətbuatı yanğına məruz qalan gəmilərin sayının 13-ə çatdığını yazıb. Ölkənin digər regionlarından da yanğınsöndürmə briqadaları yanğının söndürülməsinə cəlb olunub.

Qeyd edək ki, Buşəhr limanında 200-ə yaxın ticarət gəmisi var.

***

Yanğın zamanı 9 nəfər yaralanıb, onların 7-si xəstəxanaya yerləşdirilib.