Ukrayna Prezidenti Pyotr Poroşenko ilə Belarus Prezidenti Aleksandr Lukaşenko arasındakı görüş zamanı Ukrayna Dövlət Gömrük Xidmətinin rəhbəri Viktor Nazarenko huşunu itirib.

Axar.az xəbər verir ki, Nazarenko dərhal mühafizəçilər tərəfindən iclas zalından çıxarılıb.

Tərəflərin görüşü zamanı başqa maraqlı hadisə də yaşanıb. Belə ki, hər iki ölkənin mədəniyyət nazirləri ölkələrarası müqaviləyə imza atarkən yarıçılpaq qadın konfrans zalına daxil olub. Sinəsində “Yaşa Belarus” şüarını yazan qadın qışqırmağa çalışsa da mühafizəçilər ona imkan verməyiblər.