Rusiya hakimiyyətinin militarist qanadı artıq əvvəlki kimi Rusiya Prezidenti Vladimir Putinə tabe olmur.

Axar.az xəbər verir ki, bu sözlər rusiyalı politoloq Dmitri Qalkinin “Apostrof” saytındakı məqaləsində yer alıb.

Onun sözlərinə görə, Kreml artıq qismən hərbçilərə nəzarətini itirib:

“Əsas məsələ Suriya yox, Ukraynada baş verənlərlə Suriyada olanlar arasında əlaqənin olmasındadır. Son zamanlar mənim Putinin Rusiya hakimiyyətinin militarist qanadına nəzarət etməsinə inamım itib. Tərəflər arasında açıq qarşıdurma olmayacaq, lakin hərbçilər bundan sonra Kremlin əldə etdiyi razılaşmaları yox etməyə çalışacaqlar. Biz bunu Ukraynada gördük. Malorusiyanı yaratmaqla Zaxarçenko açıq şəkildə Rusiya hakimiyyətinin tutduğu xəttə etiraz etdi. Eyni situasiyanı biz Suriyada da görə bilərik”.