Daha əvvəl heç görülməmiş təhriklər, böhtanlarla dolu olan mühasirə cəhdinə məruz qaldıq. Bu, əvvəldən nəzərdə tutulmuş plan idi. Biz bir imtahana girdik və imtahandan uğurlu nəticə qazandıq.

Axar.az xəbər verir ki, bu sözləri Qətər Xarici İşlər naziri Şeyx Məhəmməd bin Əbdürrəhman Əl-Sani söyləyib.

“Türkiyəyə aramızda imzalanan əməkdaşlıq müqaviləsini sürətli bir şəkildə qüvvəyə qoyduğu və əsas ehtiyaclarımızı qarşıladığı üçün təşəkkürlərimizi bildiririk. Hökumətlər arasında siyasi münaqişələrin əvəzini xalqlar ödəməməlidir. Bu prosesi dayandırmağın zamanıdır”, - nazir bildirib.