Almaniya Türkiyəyə etdiyi iqtisadi yardımlara yenidən baxacaq.

Axar.az xəbər verir ki, bu sözlər Almaniya Xarici İşlər Naziri Ziqmar Qabrielin Almaniyada yaşayan Türkiyə vətəndaşlarına yazdığı məktubda yer alıb.

“Əziz türk həmyerlilərim” xitabı ilə başlayan məktubda nazir bildirib ki, Türkiyə ilə yaşanan böhran Almaniyadakı türklərə də təsir edib:

“Almanlarla türklər arasındakı dostluq böyük bir xəzinədir. Biz hər zaman səy göstəririk ki, Türkiyə ilə münasibətlərimiz yaxşı olsun. Hazırda Türkiyədə günahsız alman vətəndaşı həbs olunub. Alman hökuməti olaraq biz buna reaksiya verməyə bilmərik. Vətəndaşlarımızı qorumaq məcburiyyətindəyik”.