2017.07.23, 22:54

İordaniyada İsrail səfirliyinə silahlı hücum edilib.

Axar.az xəbər verir ki, səfiriyin binasının qarşısında atışma baş verib.

Atışma zamanı iki nəfər yaralanıb.

Qeyd edək ki, İordaniya hökuməti Əl-Əqsa məscidində baş verən hadisələrlə bağlı Ərəb Birliyinin növbədənkənar iclasını tələb edib.

***

İordaniyanın paytaxtı Əmmanda İsrail səfirliyinə hücum nəticəsində iki nəfər ölüb.

Bundan əvvəl silahlı insident nəticəsində bir iordaniyalının öldüyü, bir İsrail vətəndaşının yaralandığı bildirilirdi.

İordaniyanın “Al Ghad” qəzeti hücumun 17 yaşlı iordaniyalı tərəfindən törədildiyini bildirir. Məlumata görə, bıçaqla silahlanmış gənc səfirliyin ərazisinə daxil olaraq bir nəfərə bıçaqla xəsarət yetirib. Bundan sonra o mühafizə xidmətinin əməkdaşları tərəfindən öldürülüb.