ABŞ Prezidenti Donald Trampın kürəkəni və müşaviri ruslarla 4 dəfə görüşdüyünü etiraf edib.

Axar.az xəbər verir ki, Cared Kuşner Senatın Kəşfiyyat Komitəsinə ifadə verməzdən əvvəl verdiyi yazılı açıqlamada heç bir gizli hərəkət etmədiyini bildirib.

"Mən heç bir xarici hökumətlə gizli iş görmədim, nə də bunu edən birini tanımıram. Rusiya fondları bizə heç bir köməklik etməyib, mən hər şeyi özəl sektorda işləyib qazanmışam", - Kuşner deyib.

ABŞ Prezidenti Donald Trampın kürəkəni və Ağ Ev Müşaviri Cared Kuşner bu gün Senatın Kəşfiyyat Komitəsi, sabah da Nümayəndələr Palatasının Kəşfiyyat Komitəsi qarşısında ifadə verəcək.