Qətərə embarqo tətbiq edən ölkələr irəli sürdükləri tələblərin siyahısına yenilərini əlavə edib.

Axar.az xəbər verir ki, Səudiyyə Ərəbistanı, Birləşmiş Ərəb Əmirlikləri, Bəhreyn və Misirin Qətərə təqdim etdiyi terror təşkilatlarının sayını artırıb.

Siyahıya 9 təşkilat və 9 terrorçu daha əlavə olunub. Qətərin bu təşkilatları və adamları terrorçu olaraq tanınması istənilib.

Qeyd edək ki, bir müddət əvvəl Səudiyyə Ərəbistanı, Birləşmiş Ərəb Əmirlikləri, Bəhreyn və Misir Qətər qarşısında irəli sürdükləri tələblərin siyahısını qısaltdığını açıqlamışdı. Ərəb ölkələri 13 detallı tələblər paketini 6 ümumi prinsip əsasında yenidən formalaşdırdığını bildirmişdi.