Rusiya həbsxanalarında 29397 nəfər xarici vətəndaş var.

Axar.az xəbər verir ki, bu barədə məlumatı Rusiyanın Cəzaların İcrası üzrə Federal Xidməti yayıb. Xidmət həbs edilənlərin 90%-nin ağır və xüsusi ağır cinayətlərə görə cəza çəkdiklərini bildirib. Həbs olunanlar arasında 12 ABŞ və 97 Avropa Birliyi vətəndaşı da var.

MDB ölkələri arasında isə bu siyahıda ilk yeri Tacikistan vətəndaşları tuturlar. 8002 tacik hazırda Rusiya həbsxanalarındadır. İlk üçlüyü Özbəkistan (6362) və Ukrayna (4761) tamamlayır.

Azərbaycan isə siyahıda dördüncü yerdədir. Rusiya həbsxanalarındakı azərbaycanlıların sayı 2350 nəfərdir.