Türkiyə gəmisini ABŞ-dan aldığımız məlumat əsasında saxlamağa çalışmışıq.

Axar.az xəbər verir ki, bu barədə informasiyanı Yunanıstan Nazirlər Kabinetinin Mətbuat Xidməti yayıb.

"ABŞ Narkotiklərlə Mübarizə İdarəsi (DEA) tərəfindən Yunanıstana Türkiyəyə məxsus gəmidə narkotik daşındığına dair məlumat verilib. Bundan sonra gəmi dayandırılaraq axtarış aparılması tələb olunub. Axtarışa izn verilməməsindən sonra sonra prosedura uyğun olaraq gəminin təhlükəsiz yerlərinə atəş açılıb", - deyə açıqlamada bildirilib.

Qeyd edək ki, iyulun 3-də İsgəndəriyyədən gələn Türkiyəyə məxsus “ACT” adlı yük gəmisinə Yunanıstan sahil təhlükəsizlik qayıqları tərəfindən Rodos adası yaxınlığında 16 dəfə atəş açılmışdı. Türkiyə hadisə ilə bağlı Yunanıstana nota verərək açıqlama tələb etmişdi.