Mixail Saakaşvili Gürcüstanda elitar korrupsiyanı yaratdı.

Axar.az xəbər verir ki, bu sözləri “Gürcü Arzusu” partiyasının keçmiş sədri Zakaria Kutsnaşvili Ukrayna mətbuatına müsahibəsi zamanı deyib.

“O, kütləvi korrupsiya hallarının qarşısını aldı, ancaq əvəzində elitar korrupsiyanı yaratdı. Nə deməkdir elitar korrupsiya? Bu məhdud çevrəyə aid olan şəxslərin rüşvət almaq, dövlət əmlakını satmaq, hökumət tenderlərində və digər oxşar sahələrdə iştirak etmək hüququdur. Gürcüstanda hər kəs çox yaxşı bilirdi kim kimin arxasında dayanıb, kim neft məhsullarını ölkəyə gətirə bilər, kim ölkəyə xaricdən məhsul ixrac edə bilər, kim Ukraynadan dəmir və digər məhsullar gətirə bilər. Saakaşvili elitar korrupsiyanı yaratdı”, - Kutsnaşvili bildirib.