ABŞ İŞİD-ə qarşı mübarizə aparan beynəlxalq koalisiya qüvvələrindən Bəşər Əsədlə deyil, terrorçularla mübarizə aparmalarını istəyib.

Axar.az xəbər verir ki, bu barədə CNN telekanalı koalisiya qüvvələrinin rəsmi nümayəndəsi Rayan Dillona istinadla məlumat yayıb.

“Koalisiya yalnız üzərinə İŞİD-lə mübarizə barədə öhdəlik götürən qüvvələri dəstəkləyir. Onlar başqa məqsədlərin arxasınca getsələr, koalisiya artıq onları dəstəkləməyəcək”, - Dillon bildirib.

Xatırladaq ki, bir qədər əvvəl ABŞ hökuməti Bəşər Əsədin hakimiyyətdən getməsi ilə bağlı sərt mövqeyində dəyişiklik etmişdi.