İraqın Sədr hərəkatının lideri, şiə din xadimi Müqtəda əs-Sədr Səudiyyə Ərəbistanının vəliəhd şahzadəsi Məhəmməd ibn Salmanla görüşüb.

Axar.az xəbər verir ki, Ciddə şəhərində baş tutan görüşdə əsas müzakirə mövzusu Səudiyyə-İraq münasibətləri olub. Tərəflər görüş zamanı Səudiyyə ilə İraq arasındakı münasibətlərin yeni dönüş nöqtəsinə gəldiyi və tərəflərin bundan məmnun olduqlarını bildiriblər.

Qeyd edək ki, Sədr 11 ildən sonra bu ölkəyə ilk səfərini gerçəkləşdirib. O, İraq şiələri arasında böyük nüfuza malikdir. Sədr həmçinin İranla da güclü əlaqələrə sahibdir.