Qətər hökuməti ona qarşı sanksiya tətbiq edən 4 ərəb ölkəsi – Misir, Səudiyyə Ərəbistanı, BƏƏ və Bəhreynin yalnız fövqəladə vəziyyətlərdə öz hava məkanlarını bu ölkə təyyarələri üçün açacağı barədə xəbərləri təkzib edib.

Axar.az xəbər verir ki, bu barədə informasiya Qətər Mülki Aviasiya İdarəsinin rəsmi Tvitter hesabında yer alıb.

Qeyd edək ki, Səudiyyə Ərəbistanının SPA agentliyi Qətərə qarşı sanksiya tətbiq edən 4 ərəb ölkəsinin yalnız fövqəladə vəziyyətlərdə öz hava məkanlarını bu ölkə təyyarələri üçün açacağı barədə məlumat yayıb. Xəbərdə bunun üçün ayrılan dəhlizlərdən birinin Aralıq dənizi, digərlərinin isə Fars körfəzi zonasında olacağı və sözügedən qanunun avqustun 1-dən qüvvəyə minəcəyi qeyd olunub.