Türkiyənin İstanbul şəhərində keçirilən etiraz aksiyasında maraqlı anlar yaşanıb. Belə ki, polis əlli nəfərlik qrupu təqib etdiyi zaman bir gənc musiqiçi fleyta çalaraq etirazını məhz bununla bildirib.

Axar.az xəbər verir ki, İstiqlal Prospektində polisin müdaxiləsi nəticəsində 50 nəfərlik qrup Tarlabaşı Bulvarına yığışıb. Bu zaman Çevik Polis Alayı etirazçıları bulvardan da qovmağa başlayıb. Etirazçılar isə Unqapanı istiqamətinə qaçaraq uzaqlaşıblar. Bu hadisəni görən gənc musiqiçi, İngiltərənin Baş konsulluğunun qarşısında işıqforda duraraq fleyta çalmağa başlayıb. O maşınlara fikir vermədən payada gəzərək tək başına öz ifası ilə polisə bu şəkildə etirazını bildirib.