Krım yarımadasının əhalisi rus rubluna keçiddə bir sıra çətinliklər yaşayıb.

Axar.az xəbər verir ki, yarımadanın mağaza və supermarketlərində satıcılar pulun qalığını alıcılara qaytara bilmirlər, çünki yarımadaya ehtiyat rus qəpiyi hələ də gətirilməyib. Bu da əhali arasında bir sıra narazılığa səbəb olub. Onların əksəriyyəti satıcılarla dava salaraq pulun qalığının verilməsini tələb edir.

Qeyd edək ki, Krımda rus rubluna keçirilməsi barədə söz-söhbətlər çoxdan olsa da, bu gündən rəsmi şəkildə yarımadanın rus rubluna keçməsi krımlılar üçün şok olub.