İnternetin ilk cizgilərini belçikalı sahibkar verib.

Axar.az xəbər verir ki, "haffinqtonpost" saytı internetin yaranması ilə bağlı maraqlı yazı dərc edib. Araşdırmaya əsasən, internetin ilk eskizini Pol Otlet adlı belçikalı sahibkar 1895-ci ildə hazırlayıb.

"Nyu York Tayms" qəzetinin redaktorlarından olan Aleks Rayt tərəfindən tədqiq edilən "Dünyanın təsnifləndirilməsi" kitabında başqa maraqlı məqamlar da öz əksini tapıb. Kitab elektron alış-veriş saytlarında "Cataloguing The World" adı ilə satılır.

Kitaba əsasən, P.Outlet 1895-ci ildə uzaqdan idarə edilən və əlçatan kitabxananın yaradılması sxemini hazırlayıb. Sahibkar öz həmkarı Henri La Fontin ilə 4 il müddətində informasiyanın emalı ilə bağlı məsələləri müzakirə edib.

Onlar özlərinin "mundaneum" adlandırdıqları xüsusi qurğu vasitəsi ilə teleskopları birləşdirən şəbəkə yaratmağa müvəffəq olublar.

Hazırkı internet Outletin düşündüyü kimi olmasa da, onun ideyalarının və sxemlərinin indiki internet üçün əsas olduğu deyilir.

Pol Outlet bunu sülh və demokratiyanın əsasını qoyan ixtira adlandırıb.