Almaniya Kansleri Angela Merkel Avropa Birliyi Komissiyası başçılığına namizəd Jan-Claud Junkerin bu vəzifəyə keçməsi barədə fikirlərinin dəyişdiyini bildirib.

Axar.az xəbər verir ki, bu gün Regensburgda təşkil edilən Katolik günündə çıxış edən Merkel, fikirlərinin dəyişdiyini deyərək, AB Komissiyası başçılığına namizədliyini irəli sürən Junckeri dəstəklədiyini bildirib.

Qeyd edək ki, bir neçə gün əvvəl Merkel, İngiltərə Baş naziri Devid Kameronla fikirlərinin üst- üstə düşdüyünü, Junkerin bu işi bacarmayacağını bildirmişdi. Kamerona qoşulan Almaniya Kansleri onunla həmfikir olduğunu dilə gətirərək "Junker 80-ci illərin siyasətini tətbiq edəcək. O, qarşıdan gələn 5 ildə heç nə edə bilməyəcək"- deyə Junker haqqında fikirlərini bölüşmüşdü.

Xatırladaq ki, İngiltərənin Baş naziri Devid Kameron çıxışında Junker AB Komissiyasının başçısı seçiləcəyi təqdirdə ölkəsinin AB-dən çıxacağını demişdi.