Türkiyənin bir çox bölgəsində yerləşən kömür və digər mədən ocaqlarında 1941-ci ildən bu günə qədər istehsalat qəzalarında 3 mindən çox insan həyatını itirib, 100 mindən çoxu isə yaralanıb.

Axar.az Türkiyədə son illərdə baş verən mədən qəzalarının siyahısını təqdim edir.

7 mart 1983-cü il: Armudcuq kəndində mədən qazı partlayışı (103 ölü).

10 aprel 1983-cü il: Kozlu bölgəsində mədən qazı partlayışı (10 ölü).

31 yanvar 1987-ci il: Kozlu bölgəsində çökmə (8 ölü).

31 yanvar 1990-cı il: Bartının Amasra mahalında mədən qazı partlayışı (5 ölü).

7 Fevral 1990-cı il: Amasya Yeni Çəltikdə mədən qazı partlayışı (68 ölü).

3 mart 1992-ci il: Kozlu bölgəsində mədən qazı partlayışı (263 ölü).

26 mart 1995-ci il: Yozqatın Sorqun mahalında mədən qazı partlayışı (37 ölü).

22 noyabr 2003-cü il: Qaramanın Ərmənək mahalında mədən qazı partlayışı (10 ölü).

8 sentyabr 2004-cü il: Kastamonunun Kürə mahalında yanğın (19 ölü).

2 iyun 2006-cı il: Balıqəsirin Dursunbəy ilçəsində mədən qazı partlayışı (17 ölü).

10 dekabr 2009-cu il: Bursanın Mustafa Kamal Paşa mahalında mədən qazı partlayışı (19 ölü).

17 may 2010-cu il: Zonquldakda mədən qazı partlayışı (30 ölü).

8 yanvar 2013-cü il: Kozluda mədən qazı partlayışı (8 ölü).

Və nəhayət 13 may 2014-cü ildə Türkiyənin Manisa vilayətinin Soma mahalında kömür mədənində baş verən yanğın nəticəsində 301 işçi həyatını itirib.