Ukraynanın keçmiş prezidenti Viktor Yanukoviç və Ukrayna Təhlükəsizlik Xidmətinin (UTX) eks-şefi Aleksandr Yakimenko Krımın Rusiyaya birləşdirilməsində birbaşa iştirak ediblər.

Axar.az xəbər verir ki, bu barədə Ukrayna Baş prokuronun müavini Nikolay Qolomşa məlumat verib.

Onun sözlərinə görə, Baş Prokurorluq Krımın birləşdirilməsilə bağlı aparılan istintaqda keçmiş səlahiyyətlilərin, o cümlədən keçmiş prezident və UTX-nin eks şefinin orada iştirakına baxılır.

"Onlar Krımın birləşdirilməsinə hazırlaşırdılar. Biz bunu onların əmlaklarının Kiyevdən çıxarılmasından görə bilərik", - deyə Qolomşa bildirib.

O, bildirib ki, UTX-nin əldə etdiyi ilkin materiallara görə, həmin şəxslər Krımın işğalının əsl müəllifləridir və hazırda onların dövlətə vurduğu ziyanın məbləği ölçülür.