Almaniyada xüsusi televiziya kanalı RTL-də yayımlanan "Milyonçu" yarışmasına qatılan Xristian Demokrat Birlik Partiyasının millət vəkili Volfqanq Boşbaç bilmədiyi bir suala görə Baş nazir Angela Merkelə zəng vurub.

Axar.az xəbər verir ki, 14-cü - 500 min avro qazandıran sualda çətinlik çəkən millət vəkilinə "dosta zəng" köməyindən istifadə təklif edilib, ancaq 2 dəfə Merkelə zəng etsə də, ikisində də avtocavablayıcı işə düşüb.

Bundan sonra riskə getmək istəməyən Boşbaç 125 min avro pulu götürərək yarışmanı tərk edib.

Yarışmada baş verən bu hadisə Almaniya mətbuatında və xalq arasında böyük müzakirəyə səbəb olub.

Qeyd edək ki, bu yarışmaya qatılan məşhur simalar əldə etdikləri pul mükafatlarını yardım qurumlarına bağışlayırlar.