Quql şirkəti bu ilin əvvəlində inkişaf etmiş xətt infrastrukturuna malik olmayan ölkələrin sakinləri üçün simsiz internetə çıxış proqramını elan edib. O zaman şirkət öz konsepsiyası haqqında yalnız bəyanatlarla kifayətlənərək texniki təfərrüatlar haqda heç bir məlumat verməmişdi.

Axar.az xəbər verir ki, Quql şirkəti orbitə 180 peyk göndərməyi planlaşdırır. Hazırda internet nəhəngi məsələni konkretləşdirib və "Vall Strit Jurnal" nəşrində qlobal layihə haqqında ilk texniki məlumatlar dərc edilib. Məlumata əsasən, Quql şirkəti peyk internet modelinə təxminən 1 milyard dollar sərmayə qoymaq niyyətindədir. Şirkətin planına əsasən, planetin aşağı orbitində yüksəktutumlu şəbəkə altsisteminə malik təxminən 180 mikro-peyk yerləşdirmək planlaşdırılır.