Almaniyanın Münhen şəhərində İkinci Dünya Müharibəsindən qalma 250 kilo ağırlığında bomba tapılıb.

Axar.az xəbər verir ki, bomba Münhendəki bir avtomobil zavodu yaxınlarındakı Şleisşeymer prospekti ərazisində aparılan inşaat işləri zamanı aşkar edilib.

Bölgədə çox ev olmadığından gecə yarısı verilən bomba həyəcanına görə yalnız 6 nəfər ərazidən uzaqlaşdırılıb.

Əməliyyatda olan polis əməkdaşı bombanın parçalanmış olmasına baxmayaraq, odlama sisteminin aktiv olduğunu bildirib. Bu səbəblə bomba böyük ehtiyatla götürülüb.

Bombanın bir poliqona aparılacağı və orada mütəxəssislər tərəfindən partladılacağı qeyd edilib.