Bu gün İsveçrə Konfederasiyasının prezidenti və ATƏT-in sədri Didye Burkhalterlə keçən görüşdən sonra mətbuat konfransı təşkil edilib.

Ermənistan prezidenti Serj Sərkisyan çıxışında növbəti dəfə Türkiyəni hədəf seçib: "Türkiyə tərəfindən Ermənistanın təcridi bütün beynəlxalq təşkilatların diqqət mərkəzində olmalıdır".

Daha sonra erməni-türk əlaqələrinə toxunan Sərkisyan bunları deyib:

″İsveçrəli həmkarıma erməni soyqırımının tanınması, qlobal dəyərlərə bağlılıq və bunların təbliği məsələsində İsveçrənin sarsılmaz məsuliyyətinin olduğunu bildirdim. İsveçrənin vasitəçiliyi ilə imzalanan Ermənistan-Türkiyə protokollarının bu günədək Ankara tərəfindən təxirə salındığını qeyd etdik. Hər halda İsveçrəyə bu prosesdə rol oynadığı üçün təşəkkür edirik".