Erməni mətbuatı ölkənin yeni Baş naziri Ovik Abraamyana məxsus vilların görüntülərini paylaşıb.

Axar.az xəbər verir ki, onun İrəvanın mərkəzindəki Ermənistan Parlamentinin formasındakı villasından başqa, doğulduğu Mxçyan kəndində də dəbdəbəli malikanəsi var. Erməni jurnalistlər kiçik araşdırma aparmaq üçün Mxçyan kəndinə üz tutublar. Media mənsubları Abraamyanın evinin yerini soruşduqda sakinlər tərəddüd içində qalıblar. Soruşublar ki, Baş nazirin hansı villasını soruşurlar.

Məlum olub ki, Abraamyanın qardaşı Conika Abraamyan da dəbdəbəili həyat tərzi sürür. "Ararat vinkon" şərab zavodunun direktoru olan Conikanın malikanəsi də doğma kəndlərində seçilən obyektlərdəndir.

Qeyd edək ki, jurnalistlər hələ parlament sədri olandan Abraamyanın gəlir deklorasiyası vermədiyini vurğulayıblar. Abraamyan isə sadə həyat tərzi sürdüyünü bildirib. Erməni media mənsubları isə Baş nazirin bu mövqeyi ilə qəti razılaşmayıb. Onların qənaətinə görə, məsələ heç də Abraamyanın dediyi kimi deyil. Yəni o, sadə həyat tərzi sürmür, yetərincə imkana malik, çoxlu sayda zavod və fabrik sahibi olan bir şəxsdir.

Erməni jurnalistlər qeyd ediblər ki, onlar kənd sakinin birindən Baş nazirin maddi imkanını soruşanda onlar yaxın ətrafdakı obyektlərin Abraamyan ailəsinə məxsus olduğunu vurğulayıblar.