"Kiyev xüsusi əməliyyatları dayandırarsa, Ukraynanın cənub-şərqi danışıqlara başlayacaq".

Axar.az xəbər verir ki, bu barədə Rusiya Xarici İşlər naziri Sergey Lavrov Parisdə ABŞ-ın dövlət katibi Con Kerri ilə görüşündə deyib. Onun sözlərinə görə, Kiyev hökuməti ordunun öz xalqına qarşı təcavüzünü dayandırdığı halda bu, birləşməyə bir siqnal ola bilər:

"Əminəm ki, ilk addımı öz xalqının təhlükəsizliyinə cavabdeh olan tərəf atmalıdır. Əgər onlar terrorizmlə mübarizə adı ilə keçirdikləri cəza tədbirlərini dayandararsa, Luqansk və Donetsk də atəşi dayandırıb danışıqlara getməyə hazırdır. Hətta onlar bu barədə dəfələrlə bildiriblər. Vasitəçilərlə və ya onlarsız, fərq etmir".

Sergey Lavrov əməliyyat keçirən tərəflər arasında üçüncü qüvvənin olduğunu da vurğulayıb.